ESPAZO COMÚN ASEGURA QUE OS VECIÑOS DA RÚA SALETA ESTÁN INDIGNADOS E DEMANDAN QUE SE EXECUTE A OBRA QUE SE LLES PROMETEU ANTES DAS ELECCIÓNS
Nos pasados días, un bo número de veciños da rúa Saleta contactaron con Espazo Común para informarlles do seu descontento coa reforma que o Concello está a acometer alí.
Argumentan que tiñan un acordo co goberno municipal e nomeadamente co alcalde polo que se ía ensanchar o vial ata os 10 metros que indica o PXOM, renovar as canalizacións da auga, construír beirarrúas en ambas marxes, instalar nova iluminación e algunhas outras melloras.
VIDEO
Tódolos propietarios deixaron claro o seu compromiso de ceder terreos para que a rúa fora urbanizada como merece por fin.
Tres anos despois do acordo, o pasado 17 de abril, o alcalde adxudicou esta obra xunto co arranxo das rúas Solana, San Benito e Madalena á empresa Lemos Martínez do Porriño por un importe total de 124.078,60 €.
A sorpresa desagradable para os afectados foi descubrir tan pronto se iniciaron os arranxos que o que se está a facer non garda ningún parecido co prometido no seu día: non se ensancha o vial, non se constrúen beirarrúas como se acordara, non se renova a iluminación…
