No brote de Avión son xa sete as persoas infrectadas, tras aparecer tres positivos nas últimas horas, unha muller de 82 anos, un home de 80 anos e un menor.
No do Carballiño o brote afecta xa a oito persoas, tras confirmarse un novo caso este sábado, un home de 68 anos.
En San Amaro o concello emite esta nota informativa:
Lamentamos comunicar dous casos confirmados de Coronavirus no Concello de San Amaro.
Trátase de duas persoas identificadas e controladas, que se atopan cumprindo o protocolo baixo illamento domiciliario. Pregamos responsabilidade e cumprimento das medidas establecidas:
- USAR SEMPRE MASCARILLA.
- MANTER A DISTANCIA DE SEGURIDADE.
- LAVAR AS MANS CON FRECUENCIA.
- PROCURAR EVITAR SITIOS CONCURRIDOS.
Dende o Concello estase actuando según o protocolo establecido e fan un novo chamamento a todos os veciños e veciñas , solicitando a máxima responsabilidade para que extremen as precaucións.
É necesario ser cautos e recordar a importancia de seguir as recomendacións das Autoridades Sanitarias e as medidas de prevención ditadas, que recomendan non relaxarse. Este é un problema que nos afecta a todos e todos debemos aportar os nosos esforzos para que esta situación sexa controlada canto antes.
OURENSE
Na Area Sanitaria Ourense, Verín e O Barco de Valdeorras hai na xornada de hoxe 324 casos activos (23 máis ca na xornada de onte), 18 ingresados en planta e 4 pacientes en UCI e 306 a seguemento a domicilio.
O total de casos rexistrados na provincia ascenden a 2.429 con 1.970 curados e 135 falecementos.
Pacientes ingresados:
HUO: 21 (17 planta 4 UCI)
HP Verín. 1
HP Valdeorras. 0
