Isidro Vidal anunciaba hoxe a través das súas redes sociais que se atopa emocionado polo novo reto profesional que se abre camino neste ano tan atípico.
Este curso súmase ao claustro de profesores da Escola de Música Tradicional LaKadarma (Piloña/Asturies), como profesor de gaita galega. As aulas serán de carácter online e a ensinanza será individual e personalizada, para atender mellor as necesidades de cada alumno.
A este proxecto tamén se suma o de carácter docente que ten en marcha en Portugal, no que contaron con el para elaborar dende cero un programa de formación musical do que agora carece a ensinanza lusa.
