O concello comprométese a correxir os erros nas bases das axudas para a segunda convocatoria

A corporación do concello do Carballiño reuniuse esta mañá en sesión plenaria a partir das 09:00 horas e que se prolongou ata pasadas as 14:00 horas. O primeiro punto consistiu na aprobación do padrón, no que O Carballiño conta a 1 de xaneiro de 2020 con 14.089 habitantes, unha cifra bastante aceptable, pero motivada polo grupos de poboación procedentes doutros países, facendo necesarias políticas de asentamento poboacional.

Publicidade

En canto as propostas da oposición, BNG, propón a elaboración dun censo de produtores locais para facilitar a venda no comercio de proximidade. A proposta incluía tamén o cobro dun imposto superior ás grandes superficies e a implantación da tarifa eléctrica galega.

No primeiro destes punto, o apoio ó comercio e produtores, todos amosaron o seu acordo. O PP amosou as dificultades de levar a cabo algúns deste puntos, como a imposto a grades áreas ou a tarifa eléctrica, polo que non deu o seu punto favorable.

A moción de Espazo Común para modificar as bases das axudas da covid foi a máis polémica. A totalidade da oposición amosou o seu acordo ante que se modifiquen para que poidan chegar a todos.

Pola súa parte, o goberno local respondeu ás preguntas da oposición asegurando que a contratación da empresa que levou as bases era necesaria para o apoio total en todo o relacionado ca covid e co bono comercio. Afirman que se estimaron 26 alegacións, polo que xa se concederon 200 axudas. Ademais, explicaron os motivos do rexeitamento das axudas ós solicitantes.

O goberno comprometeuse tamén a seguir traballando nesas bases e correxir os erros, abrindo a posibilidade a recibir todas as aportacións da oposición.

Outro dos temas foi a moción presentada polo Partido Popular, na que pedían a construción dun cemiterio civil de titularidade municipal, una proposta apoiada pola corporación e para a que se iniciarán os procedementos necesarias, tendo que recorrer ó remanente.