Espazo Común afirma que o material dunha obra contratada por Fumega aparece no lugar semanas antes da súa adxudicación

Espazo Común  vai pedir toda a información sobre a obra de construcción dun muro en Vilar de Veiga adxudicada por 32.000 €.

A formación asegura que levan tempo observando con certa preocupación o sistema de adxudicación de obras e proxectos do Concello do Carballiño. En numerosas ocasións chamaron a atención sobre a contratación de empresas de fora.

AVANTAR ACTIVIDADES

Agora afirman que dende hai meses, os veciños do lugar de Vilar de Veiga viñan advertindo ao Concello do afundimento da estrada principal de acceso ao pobo e da necesidade dun muro de contención que evitara que a situación empeorara aínda máis. A través dunha petición de Espazo Común, o concello comezou o proceso e aseguran que dende o 31 de xaneiro a pedra desa obra está depositada nese lugar.

A formación critica que ata o 1 de febreiro non se sacou a oferta pública da obra e ata o 19 de febreiro se adxudicou a obra por 32.000 euros. A formación pide explicacións de como a empresa sabía que se lles concedería a obra antes de que se publicase o proceso de adxudicación. Por este motivo, pedirán ter acceso ó expediente.

NOTA INTEGRA DE ESPAZO COMÚN ( Premer na Imaxe )

PUBLICIDADE