O Concello de Ribadavia, a través da súa Alcaldesa Noelia Rodríguez, e da súa tenente Alcaldesa, Paula Rodríguez, mantivo unha reunión coa Directora da Axencia de Turismo de Galicia, Nava Castro, na cal se deu traslado das diferentes demandas e necesidades do Concello en materia de turismo e infraestruturas.
Abordaron diferentes cuestións, entre elas relativas á Ruta do Viño, da que Ribadavia forma parte, así como de dinamización do sector vitivinícola a través de diferentes liñas de actuación para o ano 2022.
