O comité clínico que asesora á Xunta de Galicia na xestión da pandemia da covid-19, acaba de acordar que Galicia se manteña no nivel medio-baixo de restricións, agás no concello de Monforte de Lemos, que estará no nivel medio.
En canto ás medidas para a hostalaría, o Tribunal Supremo avalou e autorizou a solicitude da Xunta para poder esixir a presentación do pasaporte covid aos cidadáns que queiran acceder ao interior dos bares e dos locais de ocio nocturno. A Xunta estudará a súa aplicación mentres o plan de “hostalaría segura” entra en vigor hoxe coa posibilidade, entre outras medidas, de abrir as barras nos locais que cumpran máis requisitos.
