Néstor Rego, deputado do BNG no Congreso, estará en Allariz este venres nun encontro público coa veciñanza da vila. No acto, convocado baixo o lema “A importancia de termos voz propia”, o deputado repasará as iniciativas levadas a cabo polo BNG no último bienio, dende que a finais de 2019 recuperara a súa representación no Congreso dos Deputados.
O encontro está aberto a toda a veciñanza e terá lugar este venres, 1 de outubro, ás 8 da tarde no salón de actos do Hotel OCA de Allariz.
