O director xeral de Emerxencias e Interior, Santiago Villanueva, acompañado do delegado territorial da Xunta en Ourense, Gabriel Alén, participou no simulacro de activación do Plan de Emerxencias Exterior de CEPSA para comprobar a eficiencia do operativo ante unha emerxencia real. Durante o exercicio soou a serea que avisa á poboación en caso de activación do Plan de Emerxencia Exterior e simulouse un accidente de categoría 2 provocado por unha fuga de propano en fase líquida que se saldou cunha explosión da nube de gas e un posterior incendio no que resultaron 4 persoas feridas
O operativo tivo lugar na planta de CEPSA, na antiga Estación de Ferrocarril, en A Touza. . Ata o lugar desprazáronse todos os operativos de emerxencias que deberían actuar nunha situación deste tipo.
No punto de mando, ubicado xa en zona fría, a unha distancia prudencial da nave na que se estaba actuando, cóntase un amplo dispositivo electrónico para seguir as actuacións, que ademais pódense ver en tempo real a través de dron.
A finalidade de levar a cabo estas actuación é a de detectar erros nas actuación que poidan ser solventados para que nunha situación real sexan máis efectivos. A Xunta aposta pola prevención como mellor ferramenta de resposta ante as posibles emerxencias, liña na que se enmarcan os Plans de Emerxencia Exterior elaborados polo Goberno galego.
VIDEO SPOT MASIDE en BADAL TV
