O concello retoma o acto presencial con todos os colectivos polo 25N

O concello do Carballiño, a través da concellería de igualdade, e o Centro de Información para a Muller preparan unha serie de actividades para celebrar o Día Internacional Contra a Violencia de Xénero.

Publicidade

O acto institucional volverá a ser presencial, o xoves día 25, no salón de plenos do concello ás 12:00 horas. Estará presentado por Clara Vázquez, profesora e membro do grupo de teatro Dar Trela. O acto contará con participación de diversos colectivos, como os centros educativos, o Bo Día Familia, Cruz Vermella, ASPADISI e ASDIFICA.

O venres día 3, levarase a cabo un econtro-debate cos mozos de 4º da ESO do IES nº1 sobre a violencia de xénero na xente moza.