No marco da operación “RAYL.OU”, a Garda Civil de Ourense e O Carballiño tomou declaración como investigados o pasado 27 de decembro a dous veciños da Fontela (Maside) como presuntos autores dun delito continuado de furto, tras incautar vías férreas en Ponte Ambos (Xunqueira de Ambia) e Cantoña (Paderne de Allariz). Continuando coa investigación, o pasado 10 de xaneiro tomaron declaración como coautores do mesmo delito penal e membros dunha banda criminal a un veciño de O Carballiño e dous veciños de Maside.
O modus operandi consistía en cortar os carrís cun soplete de corte de gas, un método chamado oxicorte.
Tendo en conta a información, existe continuidade temporal na actividade delituosa. O grupo criminal composto por cinco persoas ten unha estrutura para levar a cabo a coordinación e acción concertada de todos os membros, contando con medios axeitados para acadar o obxectivo.
