O Grupo de Teatro Tiruleque presenta en formato dixital a súa última creación. Deste xeito, ofrecen a posibilidade de que todos aqueles concellos ou entidades a avalíen e poidan contar con eles para unha futura actuación presencial. Como información especial para os concellos da provincia de Ourense, Tiruleque está dentro da Rede de Auditorios da Deputación de Ourense.
Para o caso de que algunha organización non dispoña de medios técnicos, o Grupo de Teatro informa de que eles poden aportar cámara negra, decorados, torres-truss, dimmer, luces e son.
Nunha imaxinaria situación histórica, social e xeográfica, o magnate Ramiro Soutelo, alma mater do emporio “Soutelo Enterprise”, medra ó abeiro das amizades políticas e xudiciais, entre as que son moeda corrente as corruptelas e os cartos en negro para facer valer as súas ambiciosas ansias de poder económico e político, sen que tales actividades lles causen desacougos nin remorsos a ningún dos seus actores. As lapas da conciencia apáganse co mellor extintor coñecido: o diñeiro. Unha comedia aceda contada entre risas e prantos, na que nos preguntamos:
Que ten que ver Lionel Messi con Paquiño Cagarolas? Por que Anselmo ten uns gayumbos de Kevin Clain e Benito de Calvin Klain? Milucho, o alcalde de Buxo, será tal de matar todas as vacalouras do concello? Non lle sería máis práctico a don Damián voar no seu jet privado? Perderá o Boca Juniors ese partido contra o Paris Saint-Germain? Por que Carmiña non quere patacas con cherelos e Lela ten problemas sexuais co seu Rafa?
Estrea 6-11-2021:
Reposición 7-11-2021:
DRAMATIS PERSONAE
Por orde de aparición, máis ou menos
Pepe Prada | Anselmo |
Florindo González | Don Damián |
José Luis Cibeira | Benito |
Florindo González | Locutor de noticias |
Lourdes Sánchez / Lidya Almonte | Locutora de noticias |
Carmen Covela / Ana Rosa Pavón | Lela |
Carmen Sobrado / Mª Carmen Fdz. Carreiro | Carmiña |
Lourdes Sánchez (g) / Lidya Almonte (c) | Maxistrada Carolina Melgar |
Antonio Rey | Maxistrado Carlos Melgar |
Pepe Prada | Ramiro Soutelo |
José M. Vaquero / Ana Rosa Pavón | Anxo |
Mª Carmen Fdz. Carreiro | Pilar, secretaria |
Antonio Rey | Emilio Sendra, alcalde de Buxo |
Maiti Grande, José M. Vaquero, Florindo González, Lourdes Sánchez, Carmen Covela, Carmen Sobrado, Antonio Rey, José Luis Cibeira, Mª Carmen Fernández. Carreiro, Antonio Rey e Pepe Prada. | | | >Voces Externas | | | |
EQUIPO TÉCNICO
Texto orixinal | Sergio Macías Casillas |
Cavilacións sobre o Texto | Tiruleque |
Esnaquiza o texto e dirixe | Pepe Prada |
Vestiario, Luces, | | |
Son, Decorados e | >Tiruleque |
máis Parafernalia | | |
Agradecementos sen par á Deputación Provincial de Ourense, Concello do Carballiño, Estación de Servicio Piteira Cibeira, S. A., Badal Novas TV, Cadena SER do Carballiño, e especialmente a Patricia Gulisano e Maiti Grande, sen esquecernos –como non podía ser- de Sergio Macías Casillas, quen, con grande xenerosidade, permitiunos modificar o seu texto orixinal para adaptalo ás nosas necesidades técnicas e interpretativas.
Duración: 60 minutos.
Traxicomedia. Tódolos públicos, mais preferentemente adulto.