Consiste en preguntas sobre o protagonista da celebración literaria deste ano, e cuxo premio son dúas estancias no Hotel Monumento Pazo do Castro de Valdeorras, comarca natal do poeta
Afundación propón un concurso en liña baseado nunha serie de preguntas sobre a figura de Florencio Delgado Gurriarán. O concurso consta dun total de 23 cuestións directamente vinculadas coa vida e obra de Florencio Delgado Gurriarán, o autor celebrado no Día dás Letras Galegas 2022, e conta con 3 opcións de resposta. Para que sirva de axuda, Afundación pon ao dispor de quen participe unha biografía sobre el na web letrasgalegas. afundacion. org.
Para concursar, é necesario entrar aquí letrasgalegas. afundacion. org. O concurso desenvolverase seguindo os termos e condicións indicados nas bases, que tamén se poden consultar na web letrasgalegas. afundacion. org. A participación estará aberta desde o 13 de maio ás 11.30 h ata o 22 de maio ás 23.59 h, hora peninsular.
Quen obteña o maior número de respostas correctas, sempre superior a 11, conseguirá o premio dunha estancia para 4 persoas no establecemento de Turismo Rural Hotel Monumento Pazo do Castro, en Valdeorras, en réxime de aloxamento e xantar, para gozar antes do 31 de decembro de 2022.
En caso de existir un empate, levará a cabo un sorteo que determinará quen se alzará co premio.
Ademais, quen complete as 23 respostas do cuestionario, cun mínimo de 11 acertos, tamén participarán dunha sorpresa adicional: entrarán directamente no sorteo dun premio consistente nunha estancia para 2 persoas no establecemento de Turismo Rural Hotel Monumento Pazo do Castro en réxime de aloxamento e almorzo, para gozar antes do 31 de decembro de 2022.
