ASICOTUR organiza os próximos 25 e 26 de maio o I Congreso Internacional de Cooperación Turística en Santiago de Compostela

IES CHAMOSO LAMAS

Conceptualmente, o Congreso fíxase como obxectivo representar casos comúns e cruzar boas prácticas e proxectos de cooperación turística en África, América, e Europa. Ao organizalo, ASICOTUR buscaba tanto aumentar a súa presenza pública como fomentar a reflexión sobre o potencial da cooperación neste sector, coñecendo de preto todos os actores que a traballan; e agradece á Xunta de Galicia e ao Instituto Nacional de Promoción Turística de Arxentina o seu apoio a un Congreso tan novo.

O seu formato, híbrido virtual e presencial, permitirá a participación de todos os interesados na cooperación en turismo; xa sexa en persoa desde Santiago de Compostela ou virtualmente desde os máis de 30 países onde ASICOTUR ten representación.

OZOCOgz Deseño Galego

Coa celebración en Santiago de Compostela preténdese poñer en valor este centro de internacionalización, que durante séculos recibiu peregrinos de todas partes do mundo e especialmente nos Anos Santos.

O programa social tamén rende homenaxe á cidade anfitrioa, ofrecendo aos asistentes a posibilidade de realizar un tramo do Camiño de Santiago e de gozar da mellor gastronomía km0.

O contido do programa enfócase en conferencias e mesas redondas en que diversos profesionais, tanto do sector público como do privado, poidan compartir as súas estratexias e experiencia. Títulos como “Adaptación do turismo rexional á nova realidade: casos de éxito de cooperación transfronteiriza”, “A cooperación, oportunidade para o desenvolvemento turístico. Boas prácticas no espazo iberoamericano” ou “Potencial da cooperación turística desde o sector privado” reunirán a relatores de, entre outros, a Organización Mundial do Turismo OMT, a Secretaría de Integración Turística Centroamericana SITCA, ou o Instituto para a Calidade Turística Española ICTE; ademais de diversas autoridades e personalidades turísticas de Secretarías de Estado, Ministerios de Turismo, e Federacións de países de África, América, Asia e Europa.