O concello do Carballiño anunciou a celebración do Día Do Medio Ambiente. Para celebrar esta data, propoñían facer cos máis pequenos un obradoiro que consistirá na construción dun refuxio para insectos polinizadores, plantación de aromáticas e xogos. Estaba previsto para mañá venres pola tarde, na Alameda, pero o concello anunciou a súa cancelación a causa das previsións de choiva.
A concelleira de Medio Ambiente, Rita Soto, destacou a importancia destas actividades para fomentar o coidado e a relevancia do medio natural nos máis pequenos.
