- O delegado territorial explicou que as reformas a realizar na instalación eléctrica existente no CIFP A Farixa é necesaria para adaptala ás necesidades actuais do Centro
O delegado territorial da Xunta en Ourense, Gabriel Alén, desprazouse esta mañá ao CIFP A Farixa de Ourense para anunciar a licitación das obras de reforma da instalación eléctrica en baixa tensión para a adecuación de cadros, proteccións e liñas eléctricas ás que a Consellería de Cultura, Educación e Universidade vai destinar 161.994,32 €.
O delegado territorial explicou que as reformas a realizar na instalación eléctrica existente no CIFP A Farixa é necesaria para adaptala ás necesidades actuais do centro, dotala dunha maior seguridade ante fallos eléctricos tanto para as instalacións como para as persoas.
Gabriel Alén sinalou que as principais actuacións que se levarán a cabo consistirán na reforma e adecuación de cadros eléctricos con aproveitamento da aparamenta existente, a redistribución de liñas existentes, a realización de novos cadros eléctricos, a adecuación de tomas de terra, a tirada de novas liñas eléctricas para alimentación de cadros e subcadros, a selectividade e axuste de proteccións en liñas eléctricas e a localización de novas emerxencias en zonas nas que se precisan.
