A andaina «Camiño de Nós» e a primeira das representacións da Mostra de Teatro Amador Terras de Orcellón abrirán o programa.
A Concellería de Cultura do Concello do Carballiño promove unha ampla programación de actividades, de xeito directo ou en colaboración coas entidades, colectivos e asociacións da vila, para dar continuidade á oferta cultural e de lecer que se desenvolveu durante os meses de verán.
Comeza este novo ciclo de propostas culturais con dúas citas para este sábado: a andaina Camiño de Nós e a representación de Farandoleiras Cabaré.
A segunda edición da andaina cultural <Camiño de Nós 1926-2022> inclúe o percorrido entre o centro do Carballiño e a Insua dos Poetas. O punto de encontro e de partida é a Praza Maior do Carballiño, de onde partirá a andaina ás 11.00 horas. Haberá o develamento dunha placa alusiva á estancia dos membros do Grupo Nós no antigo Hotel Carlos (actual cafetería Capri) que é onde fixeron noite, o 8 de xullo de 1926, os cinco galeguistas de Nós: Vicente Risco, Ramón Otero Pedrayo, Lois Feixoo, Antón Sánchez e Xavier Pardo.
Dende o centro do Carballiño o percorrido segue pola Ponte Veiga, A Costiña, Barro, pazo de Madarnás, igrexa de Madarnás, A Esgueva e Ponte do Eixán, para chegar logo á Insua dos Poetas.
Ao rematar a andaina haberá degustación de produtos da comarca na propia Insua dos Poetas.
Tamén o sábado, neste caso a cita é ás 20.00 horas no Auditorio Manuel María, haberá representación teatral no Carballiño. O grupo Farandoleiras Cabaré ofrecerá a súa montaxe «Olimpo’s».
Coa proposta escénica abrirase a décimo quinta edición da Mostra de Teatro Amador Terras de Orcellón, unha iniciativa da compañía carballiñesa Tiruleque Teatro que se ten convertido nestes anos en cita obrigada para as mellores compañías de teatro amador de Galicia.
Un novo congreso do Centro de Estudos Chamoso Lamas do Carballiño, na vindeira fin de semana, a programación habitual cinematorgáfica dos venres no Auditorio Manuel María (a cargo do Cineclub Carballiño), a música coral ou unha nova edición do Arenteiro Fotográfico serán parte das propostas da Concellería de Cultura do Concello do Carballiño para este outono.
Adxuntamos a programación con datas e actividades.
CONCELLO DO CARBALLIÑO.
OUTUBRO CULTURAL 2022
II ANDAINA CULTURAL “CAMIÑO DE NÓS” 1926-2022
Día 1
Saída as 11:00 h da Praza Maior
XV MOSTRA DE TEATRO AMADOR TERRAS DO ORCELLÓN
Hora: 20:00 H
Lugar: Auditorio Manuel María
Día 1: FARANDOLEIRAS CABARÉ presenta OLIMPO´S
Día 12: A TEQUERRETÉ presenta O ENREDO
Día 15: GARGALLADA TEATRO presenta UN DESASTRE DE FUNCIÓN
Día 22: LA CAJA DE PANDORA presenta SEMPREA NOS QUEDARÁ VENECIA
Día 29: C. C. OLLOMAO presenta O DOCUMENTO
Día 30: ACHÁDEGO TEATRO presenta NADAL NA CASA DOS LAMELO
Día 5 e 6 de novembro: TIRULEQUE, GRUPO DE TEATRO presenta MICROTIRULOS
XII CONGRESO MANUEL CHAMOSO LAMAS
VALORIZACIÓN E XESTIÓN DO PATRIMONIO CULTURAL E MEDIOAMBIENTAL
Días 7, 8 e 9. Mesas, coloquios, proxeccións e excursións culturais
Día 7: acto inaugural ás 10:30 na Casa da Cultura.
Día 8 na Casa Bexanca, Belvís-Cabanelas.
Día 9 na Casa Bexanca, Belvís e na Adega Pazo Tizón, Moldes-Boborás.
Ás 20:30 Clausura
CINE CLUBE CARBALLIÑO
Ás 20 e 22:30 horas no Auditorio Manuel María
Día 7: LA LEY DEL TEHERÁN
Día 14: TENÉIS QUE VENIR A VERLA
Día 21: LA HIJA OSCURA
Día 28: EL AMOR EN SU LUGAR
VII FESTIVAL “OUTROS PAÍSES, OUTRAS MÚSICAS”
Día 15
Ás 20:30 h no Templo da Veracruz
Este festival está organizado polo CORO DE CÁMARA “MÚSICA VIVA” co fin de amosar os compositores galegos que foron pioneiros e que deron mostra da súa creatividade, e que foron recoñecidos en diferentes foros tanto nacionais como internacionais.
As corais participantes este ano son a CORAL P. DE AGOLADA, de Agolada (Pontevedra), Coral P. Estelas do Mar, de Mugardos (A Coruña) e o Coro de Cámara Música Viva, do Carballiño (Ourense).
ARENTEIRO FOTOGRÁFICO OUTUBRO
Día 8: MASTER CLASS IMPARTIDA POR VARI CARAMÉS
Horario: de 10 a 14 h e de 16 a 20 horas na Casa da Cultura
Fotógrafo coruñés autodidacta, interésalle o cotián e o ordinario sexa extraordinario, busca evocar, suxerir e facer soñar ó espectador.
Día 9: INAUGURACIÓN
Ás 12:00 horas na Casa da Cultura
Daranse a coñecer tódalas exposicións e terá lugar a entrega de premios Concurso Fotográfico 2022 “Tema libre” e a homenaxe a Vari Caramés pola súa ampla traxectoria na realización e exposicións premiadas. Tamén se proxectará un vídeo coas exposicións deste ano.
Nesta edición a maioría das exposicións poderán verse nun local céntrico do Carballiño propiedade da familia Varela, que cederon amablemente para as exposicións (rúa Principal, nº 6 antigo Hobby Sport), e que estará aberto as fins de semana.
| SALAS | OUTUBRO |
| CONCELLO | A. F. O POTIÑOS: “A Feira” |
| BAIXO RÚA PRINCIPAL Edificio Ramón García | IES CHAMOSO LAMAS: Memoria viva do Río Arenteiro |
| RÚA PRINCIPAL n.º 6 Antigo local “Hobby Sport” Horario: Venres e sábado: 18:30 a 21 h Domingo: 12:00 a 14:00 h 18:30 a 21:00 h | A. F. O POTIÑOS: Soños TETÉ D. ESTATE: Liñas rurais BEATRIZ CABANELAS: Las caras del valle del Omo MARCELO CABALLERO: 4 movimientos JOSÉ MIGUEL MARTÍN ORDOÑO: Ausencia-presencia CONCURSO FOTOGRÁFICO LIBRE |
OBRADOIRO ANIMACIÓN Á LECTURA. Programa Ler conta moito
MEIGAS E BRUXAS DE JOSÉ RIVERA
Día das Bibliotecas
Día 24
Ás 17:00 horas na Biblioteca municipal
Os rapaces e rapazas de 5 a 14 anos poderán participar neste obradoiro creativo no que se ensinará a práctica de pequenos efectos de ilusionismo ó seu alcance, e o xeito de mellorar e aprender máis, enfocando á lectura como ferramenta e espertando nos nenos o gusaniño da maxia, mellorando a súa creatividade e estimulando a súa imaxinación, ao tempo que se desenrola o seu pensamento crítico.
A entrada é de balde.
