Esta fin de semana dará comezo unha nova edición do Arenteiro Fotográfico, organizado pola asociación O’Potiños. Dende hoxe mesmo xa está aberto ó público o local situado na rúa Principal, que alberga varias exposicións desta mostra. En total serán once exposicións colectivas e individuais as que se poderán ver, complementadas con charlas, cursos e coloquios. Mañá sábado, na Casa da Cultura, terá lugar a masterclass impartida por Vari Caramés.
E xa o domingo, tamén na Casa da Cultura, ás 12:00 horas, terá lugar o acto de inauguración. Entregaranse os premios do concurso de temática libre e farase unha homenaxe con entrega de obsequios ó fotografo galego Vari Caramés, homenaxeado deste ano.