A Xunta de Galicia impulsará un ano máis a campaña escolar Pilabot, unha iniciativa de sensibilización das novas xeracións sobre a reciclaxe e que terá como principal actividade unha concurso de recollida de pilas.
Dende hoxe e ata o 9 de decembro poderán inscribirse a través da web de Pilabot os centros públicos, privados ou concertados que estean interesados en participar na iniciativa.
A actividade será o concurso de reciclaxe de pilas e acumuladores. Repartiranse bidóns colectores e material informativo entre todos os participantes como paso previo ao inicio da recollida, que durará un período de seis semanas (ata 14 de abril).
Os gañadores repartirán 7.500 euros repartidos en catro premios: dous de 2.500 euros cada un para o centro que máis quilos recupere e para o que ten a mellor taxa por alumno, e outras dúas de 1.250 euros para o segundo clasificado de cada categoría. Premios que irán destinados á compra de material escolar e deportivo ou á organización de actividades educativas co seu alumnado.
