O delegado territorial da Xunta en Ourense, Gabriel Alén, participou esta mañá na XII Andaina Solidaria do concello de Cenlle ‘Camiñando a prol do Proxecto Alpha’, organizada polo concello.
Proxecto Alpha é a única asociación en España que loita contra a distrofia muscular de cinturas por déficit de sarcoglicanos. As sarcoglicanopatías son enfermidades que afectan ao funcionamento do músculo causando debilidade e cansazo.