• O presidente do PP sinala que se guiará pola Constitución e afrontará calquera dificultade desde os principios do “servizo público, o interese xeral, a humildade e o traballo”
• Afirma que o 23-J é “o momento da democracia”, preséntase co obxectivo de “unir, lograr acordos e tender pontes” e promete “traballar para manter o que está ben” e reformar “o que é incorrecto”
• “Aínda que teñamos distintos acentos, falamos un idioma común, o español”, asegura Feijóo, quen defende que seguirá construíndo esta “nación diversa, plural e unida, que é España”
• Subliña que “este país pode poñerse de acordo” e propón logralo desde un Goberno “para todos”, centrado “nas preocupacións e obxectivos que temos en común, sen deixar de ser diferentes”
• Propón centrarse “nos problemas importantes” e non nos “triviais”. “A xente pídenos que os políticos sexamos útiles e tentemos resolver os seus problemas fundamentais”
• “O despoboamento, o envellecemento e a súa dispersión na España baleirada son problemas que deben pesar nos gobernantes á hora de tomar decisións”, subliña
• Considera positivo que “por primeira vez” en democracia poida haber un presidente do Goberno que se criou nunha aldea porque “é bo que coñeza o mundo rural” e as súas dificultades
• Impulsará un “sistema sostible” para manter as pensións actualizadas, así como unha asistencia sanitaria “de calidade”, que os mozos poidan ir a calquera Universidade “con independencia da súa renda” e “mellorar infraestruturas”
