O grupo carballiñés Dar Trela Teatro volverá a representar a súa obra de creación propia “Cabaret enxebre” grazas ao gran éxito que tivo a súa dobre estrea. 13 actores e actrices en 80 minutos mesturan comedia, crítica social, música, baile, sensibilidade, nun exercicio teatral baixo a dirección de Fernando González.
Ante a gran resposta do público o colectivo proxecta unha nova función dun espectáculo diferente, innovador e moi especial.
A representación será este vindeiro sábado, día 30 de decembro, ás 19:00 horas no Auditorio Manuel María do Carballiño. O prezo da entrada é de 5 euros e non está recomendada para menores de 13 anos.
