I A Obra Social de ABANCA, promove a través desta proposta unha programación na que o lúdico conxúgase coa aprendizaxe do inglés a través dun contido de fortalecemento de valores e coñecementos
16.01.2024. Afundación, a Obra Social de ABANCA, presentará no Auditorio Municipal de Ourense, mañá, 17 de xaneiro, en dúas funcións ás 10.00 e ás 12.00 h, a obra de teatro para escolares en inglés I Spy, dirixida a público desde 1.º a 4.º da ESO.
O teatro participativo será a ferramenta máis útil, práctica e divertida para aprender inglés. James Blob, axente 003 ½, ten como misión combater a malvada Dra. Z. Nun intento por dominar o mundo, a Dra. Z conseguiu un perigoso virus co cal espera manipular e controlar os gobernos mundiais. Para detela, James necesita confiar no seu adestramento como espía, nos dispositivos que os servizos secretos da súa maxestade lle van proporcionar e, sobre todo, na valiosa axuda do público.
As artes escénicas teñen unha especial relevancia dentro da programación para escolares que deseña cada curso o equipo da área educativa de Afundación co obxectivo de reforzar a formación que os estudantes reciben nas aulas. A programación está deseñada para promover unha educación en valores e competencias transversais potenciando o talento, a autonomía, a solidariedade, a creatividade, a autoestima ou o traballo en equipo. Neste sentido, as artes escénicas están consideradas como unha das ferramentas educativas máis útiles para estimular a capacidade de observación dos estudantes, posibilitar o diálogo e a reflexión, e desenvolver habilidades sociais.
Toda a información da actividade de Afundación, na nosa SALA DE PRENSA.
