Os veciños do barrio da Barronca, na rúa Caridade, en pleno centro do Carballiño, abríronnos as súas portas para desfrutar do Entroido.
Para estas datas crearon unha recompilación de mecos, con diferentes indumentarias, centrados neste ano nunha homenaxe aos homes e mulleres do campo.
Está feita ca colaboración de todos, con elaboracións propias. A súa preparación fíxose con materiais reciclados e intentando cada ano amosar algo diferente por estas datas.
Ademais, animan a que en todos os barrios se fagan iniciativas entre todos, algo que sería un atractivo para tanto veciños como turistas que se acheguen.
