O Centro Cultural Marcos Valcárcel acolleu onte unha xornada dirixida aos servizos turísticos do Destino SICTED Ourense Termal, impulsado no marco do Plan de Sustentabilidade Turística.
O deputado de Turismo e Termalismo e presidente do Inorde, Rosendo Fernández, fixo entrega de tres novos diplomas e placas de “Compromiso de Calidade Turística” aos últimos servizos distinguidos. Entre os tres que recolleron este distintivo estaba o apartahotel Arenteiro do Carballiño. Con estas tres incorporacións, son xa 28 os servizos distinguidos ata o momento no destino Ourense Termal.
O Plan de Sustentabilidade Turística en Ourense Termal engloba a 15 municipios termais rurais da provincia de Ourense e está impulsado pola Deputación de Ourense. Para recibir este recoñecemento pasan por un proceso de avaliación de distintos parámetros.
