O presidente da Deputación de Ourense, Luis Menor, mantivo hoxe un encontro de traballo no Pazo Provincial co alcalde de Verín, Gerardo Seoane, para repasar os proxectos nos que están a traballar conxuntamente ambas administracións.
Luis Menor lembrou que o Concello de Verín (o terceiro municipio no ránking de poboación da provincia) recibirá este ano da Deputación 423.000 euros a través do Plan CooperOU, o que suporá que ao longo do presente mandato dispoña dunha contía total de 1.700.000 euros. Unha cantidade que referenda a “máxima cooperación e implicación” do goberno provincial co municipio de Verín, salientou Menor.
Ademais de analizar a achega prevista ao concello verinense na próxima modificación de crédito, por valor de 70.000 euros, durante o encontro tamén se abordaron os proxectos de cooperación en materia termal, concretamente no que atinxe ao acceso ao balneario de Cabreiroá e a outras instalacións municipais. Tamén falouse de colaboración no ámbito deportivo coa inclusión no Plan de Infraestruturas da renovación do céspede artificial do campo de fútbol de A Granxa.
