O IES Manuel Chamoso Lamas celebrou hoxe unha homenaxe a Miguel García, docente e meteorólogo, polo seu traballo na estación meteorolóxica durante 40 anos. No acto, que contou con numeroso público, participaron o alcalde do Carballiño, Francisco Fumega, o director do centro, Aurelio Rodríguez e Amancio Nóvoa, inspector xefe de Educación. Todos coincidiron na importancia que ten a estación e os datos recollidos polo Premio Nacional de Metereoloxía, Miguel García, de gran utilidade para o Carballiño e comarca.
En 1983 comezou esta actividade como unha actividade extraescolar. O proxecto creceu grazas ao traballo e dedicación de Miguel, que recollía os datos todos os días sen excepción. A pesar de que leva 14 anos xubilado da docencia, continúa facendo esta labor cada día. E agora busca un relevo.
