Falar de teatro afeccionado é falar do Carballiño e así volve a quedar demostrado no Platta, Festival Transfronterizo de Teatro Amador que se desenvolverá a vindeira fin de semana na vila co Auditorio Manuel María como escenario. A iniciativa foi presentada esta mañá no salón de plenos.
Chelo Pampillón, presidenta da Federación de Grupos Afeccionados de Teatro (Fegatea) presentou a 11ª edición do Festival Platta. Hoxe explicounos as raíces deste festival e o que teñen preparado para a vindeira fin de semana, que inclúen ademais de teatro, actividades de formación e talleres.
