As estradas dos municipios do Carballiño, Boborás, Piñor, Maside, Leiro, San Amaro, San Cristovo de Cea e Amoeiro serán escenario da terceira edición do Rallye Comarca do Carballiño durante os vindeiros días 21, 22 e 23 do presente mes de Xullo, baixo a organización de escudería JLB Motorsport e o patrocinio de diversas entidades comerciais. O Rally contará con dúas etapas, unha o venres e outra o sábado.
Dende o concello agradeceron todo o traballo que hai detrás dunha proba deste calibre e da cooperación dos concellos participantes, pedindo tamén precaución aos que acudan a esta proba. Todas as administracións amosaron o seu apoio a un evento que segue facendo o mundo do motor un sinal de identidade neste municipio e contorna.
