A Federación de Comercio de Ourense, da man da Federación Galega de Comercio e a Xunta de Galicia, pon en marcha a edición de outono da campaña “Merca no teu comercio – Ourense” campaña de ámbito rexional que na provincia de Ourense desenvolverase entre o 1 e o 20 de novembro, sendo o sorteo o 22 de novembro. A entrega de premios terá lugar o 28 de novembro, en Verín.
Nesta edición de outono da campaña sortearase entre todos os tickets rexistrados por comerciantes ou consumidores directamente en www.mercanoteucomercioourenseoutono.com , outros 10.000 euros en premios, repartidos en 50 bonos de 200 euros, que unicamente poderán ser canxeados nos establecementos adheridos.
Ademais, no acto de entrega de premios, sortearase en directo un bono de 1.000 euros. Neste sorteo poderán participar todos os premiados e acompañantes ata completar aforo, segundo as condicións recollidas nas bases (presentar ticket de compra nas datas da campaña e unha participación por persoa, entre outras). Este premio de 1.000 euros deberá ser gastado pola persoa agraciada nunha única xornada de compras dentro da semana seguinte ao sorteo.
A campaña “Merca no teu comercio – Ourense”, busca fomentar as vendas e poñer en valor e promocionar as compras nos comercios de proximidade de toda a provincia, sensibilizando e premiando a fidelidade dos clientes. Esta iniciativa xa tivo unha primeira edición no mes de outubro, cuxa entrega de premios tivo lugar no día de onte en O Carballiño. 31
