Extracto das bases e convocatoria para a concesión de subvencións para a organización de
actividades culturais a asociacións e institucións culturais sen ánimo de lucro do municipio do Carballiño para o ano 2024
Extracto das bases e convocatoria para a concesión de subvencións para a organización de
actividades culturais a asociacións e institucións culturais sen ánimo de lucro do municipio do Carballiño para o ano 2024
BDNS (Identif.): 791898
De acordo co disposto nos artigos 17.3.b e 20.8.a da Lei 38/2003, do 17 de novembro, xeral de
subvencións, publícase o extracto da convocatoria, cuxo texto completo se pode atopar na Base
de Datos Nacional de Subvencións (https://www.infosubvenciones.es/bdnstrans/GE/es/convocatoria/791898)
- Obxectivo do concurso:
As bases teñen por obxectivo regular a concesión en réxime de concorrencia competitiva de
subvencións a asociacións e institucións culturais do municipio do Carballiño, destinadas a realizar actividades culturais e de animación sociocultural para o ano 2024. - Beneficiarios/as:
Poderán optar as asociacións e institucións culturais legalmente constituídas, sen ánimo de lucro, con domicilio social no Carballiño e inscritas no Rexistro Municipal de Asociacións, ao menos cunha antigüidade mínima de seis meses. - Crédito:
O importe total asignado no Orzamento municipal ascende a 6.000 euros. A axuda máxima por
beneficiario/a será de 3.000 euros. As axudas serán compatibles con outras para o mesmo fin, sempre que o importe total de todas as subvencións non supero o investimento do 100% previsto para as actividades obxecto da subvención. - Prazo e presentación das solicitudes:
Os/as beneficiarios/as deberán presentar a correspondente solicitude no prazo dun mes, que
contará a partir do día seguinte ao da publicación deste extracto no BOP trala comunicación efectuada para o efecto na Base de Datos Nacional de Subvencións (BDNS)
