100 nomes de mulleres que penaron no cárcere de Celanova

II EDICIÓN COCHES CLÁSICOS NO IRIXO
  • O Comité de Memoria Histórica da Comarca de Celanova documenta os nomes de cen mulleres que sufriron a represión fascista entre xullo do 36 e decembro do 37 na prisión feminina de Celanova, habilitada no edificio dos actuais xulgados que quedará sinalado como Lugar de Memoria nun acto este sábado, 23 de novembro.
  • Por Celanova pasaron María Gómez Del Valle e Salud Torres Díaz, asasinadas no outono de 1937. Tamén Remedios Frías, da Valenzá, nai de Alfonso Gayoso, dirixente do PCE en Ourense; e Florentina Ortega, nai de Felicísimo Pérez, alcalde republicano da Gudiña. E ducias de reclusas anónimas, cinco delas con nenos de meses.

Este sábado, 23 de novembro, Celanova rende homenaxe ás mulleres que sufriron represión no cárcere durante a guerra. Ás 13,00 horas, descobrirase unha placa na fachada do edificio dos xulgados, que albergou a prisión feminina entre xullo do 36 e abril do 38. Honraranse os nomes de 99 mulleres (e cinco crianzas) que o Comité de Memoria Histórica da Comarca de Celanova documentou nos arquivos, e 1 máis da que hai memoria familiar certa do seu paso pola cadea.

XUNTANZA DE CLÁSICOS NO IRIXO

A lista cos nomes de todas aquelas mulleres que, coa información dispoñíbel, foi posíbel documentar até agora, é pública desde hoxe na seguinte ligazón (e figura no anexo a esta nota):

As mulleres do cárcere feminino de Celanova

Nos actos, que comezarán ás 11,00 horas na Casa do Concello coas conferencias dos historiadores Rosa Cid Galante e Julio Prada, participarán as familias de María Gómez Del Valle e Salud Torres Díaz -asasinadas en outubro de 1937 despois do seu paso pola prisión de Celanova e tamén da de Bande-. Ademais, Rochi Nóvoa lerá o poema do que se sacaron os versos que figurarán na placa do lugar, sinalado como Lugar de Memoria.

A presidenta do Comité, Celia Inés Feijóo Soto, e a concelleira de Igualdade de Celanova, Teresa Barge Dapía, e o alcalde, Antonio Puga, tomarán tamén a palabra para reafirmar o compromiso da sociedade civil e da institución municipal coa memoria histórica, que ten avanzado moito nestes últimos anos, mais que aínda precisa de maiores esforzos.

Tamén se poden consultar anotacións biográficas sobre algunhas delas nas seguintes publicacións na web do Comité:

19.11.24

As mulleres do cárcere feminino de Celanova

09.11.24

Celanova descobre o que foi Cárcere de Mulleres entre 1936 e 1938

Nas imaxes anexas: Fotografía do cárcere de partido nos anos 30, e debuxo da pomba de Baldomero Moreiras que fará parte da placa.