Ourense, 30 de decembro de 2024. – O delegado territorial da Xunta en Ourense, Manuel Pardo, desprazouse esta mañá aos concellos de Montederramo e Chandrexa de Queixa, onde mantivo sendas reunións cos alcaldes, Óscar Diéguez e Francisco Rodríguez respectivamente, cos que analizou as principais demandas destes municipios en relación á Administración autonómica.
O delegado territorial aproveitou a súa estadía nestes concellos limítrofes para manter un encontro con representantes do sector gandeiro e reiterarlle que a Xunta está a carón dos gandeiros e que seguirá traballando arreo para manter o altísimo nivel sanitario da cabana gandeira da nosa comunidade, que é un referente dentro de España neste ámbito, e desexou a todo o colectivo un venturoso 2025.
