O alumnado do IES Nº1 de Carballiño concluíu con éxito a súa emocionante travesía polo Camiño de Santiago baixo o lema “Xuntos non Camiño”. Durante varios días, os estudantes e os seus profesores percorreron etapas do camiño xacobeo, compartindo anécdotas, esforzo e compañia.
O percorrido pasou por Portomarín e avanzou por localidades emblemáticas como Palas de Rei, Melide, Arzúa, Pedrouzo e Lavacolla. Cada etapa estivo cargada de momentos únicos que os participantes lembrarán sempre: desde retos físicos ata encontros con peregrinos de distintos lugares, así como o descubrimento da riqueza natural e artistica.
A dirección do centro destacou a importancia desta actividade como unha experiencia educativa e de cohesión grupal. Ademais, estendeu un agradecemento especial aos profesores Morón, Encina e Vanesa, quenes coordinaron e acompañaron ao grupo con dedicación. Tamén se recoñece o compromiso de todos os alumnos ealumnas, cuxo esforzo e actitude fixeron posible o éxito da andaina.
“Xuntos non Camiño” non só significou alcanzar unha meta física, senón tamén unha aprendizaxe sobre a superación persoal, a solidariedade e o traballo en equipo, valores que seguirán acompañando a estes mozos.
SEGUEMENTO DE BADALNOVAS DA ANDAINA
O proxecto solidario que involucra ao estudantado do IES Nº1 e á poboación do Carballiño en xeral tuvo o seu punto de partida o luns, 13 de xaneiro, coa saída dunha ruta polo Camiño Xacobeo e a recadación de donativos para un colexio de Massanassa, unha das localidades máis afectadas pola Dana o pasado mes de novembro. Baixo o epígrafe “Xuntos no Camiño …”, este proxecto pretende “espertar a solidariedade da xente e crear un espazo de colaboración entre o alumnado, penso que os rapaces son solidarios e tan só hai que darlles un espazo e a oportunidade de selos”, comentou Manuel Ángel Morón, profesor de Relixión do IES Nº1 e coordenador deste programa no que participaron 49 estudantes de 3º de ESO acompañados por tres profesores.
O percorrido polo Camiño de Santiago desenvolveuse dende o luns, día 13, ata o venres, día 17, partindo de Sarria e pasando por Portomarín, Palas de Rei, Melide, Arzúa, Pedrouzo e Labacolla ata chegar á catedral de Santiago de Compostela. Ao longo do itinerario, a expedición realizou paradas nos xeriátricos de Palas de Rei e Arzúa, “onde os rapaces ensinaronlle aos residentes o manexo do teléfono móvil e realizaron reportaxes sobre as historias que poidan contar, ademais de elaborar unha curtametraxe sobre a ruta”.
Os alumnos do IES Nº 1, na súa travesía polo Camiño Xacobeo, fixeron unha parada especial en Palas de Rei, onde a espiritualidade do Camiño entrelazouse cun acto de profunda humanidade. Durante o seu percorrido, estes mozos non só camiñaron entre paisaxes verdes e carreiros históricos, senón que tamén atoparon un espazo para compartir vivencias e emocións cos maiores da residencia xeriátrica de Palas de Rei
A visita foi moito máis que unha actividade programada. Foi unha ponte entre xeracións. Os estudantes, armados coa súa curiosidade e a tecnoloxía dos seus teléfonos móbiles, dedicáronse a descubrir as cancións que marcaron as vidas dos residentes. Nun exercicio de empatía e conexión, buscaron esas melodías nos seus dispositivos e reproducíronas para un público que, emocionado, lembrou épocas pasadas ao ritmo de boleros, cancións tradicionais galegas e clásicos de outrora.
As risas e as bágoas compartidas romperon as barreiras da idade. Os maiores non só escoitaron música; reviviron momentos, contaron anécdotas e ensinaron aos mozos sobre os valores da resiliencia, a memoria e a importancia de gozar cada instante. Pola súa banda, os estudantes levaron unha lección invaluable: o poder da música como unha linguaxe universal que conecta almas e o impacto positivo dun simple xesto de atención e agarimo.
O Camiño Xacobeo é coñecido por transformar a quen o lembra, pero neste día, a transformación foi dobre. Os alumnos do IES Nº 1 non só avanzaron quilómetros cara a Santiago de Compostela, senón que deron pasos importantes no seu desenvolvemento persoal e humano. En Palas de Rei, aprendeu que o Camiño non só mídese en distancias percorridas, senón en corazóns tocados.
Unha xornada inesquecible, na que o eco das cancións quedou gravado tanto nos muros da residencia como nos corazóns de quen viviu.
No CEIP Virxe da Luz de Portomarín deixaron aos máis cativ@s unhas postais cheas de bós desexos e con mensaxes motivadoras.
E para que enduzaran o 2 trimestre lles deixaron uns bombóns.
Grazas á directora,Pilar,por deixarnos tempo de lecer no patio do cole e balón,cordas,etc.
