Este sábado, 29 de marzo, tuvo lugar no camposanto de Señorín, no Carballiño, a presentación do libro “As horas mortas”, do que é autora a escritora galega Emma Pedreira. O acto, organizado por OZOCOgz e comezou ás 12,30 horas coa participación da propia autora; do historiador Francisco Fumega Piñeiro, tamén alcalde do Carballiño, de Miguel Anxo Fernández, escritor carballiñés e profesor de Comunicación Audiovisual, e de Jose Luis Sobrado ex-presidente do Centro de estudios Chamoso Lamas. Eladino Cabanelas (xerente de OZOCOgz) foi o presentador.
Unha vez rematada a presentacion tuvo lugar unha visita guiada pola parte antiga do cemiterio e tanto Fumega como Sobrado deran unha clase maxistral sobre a historia do mesmo.
A razón de que esta presentación se levou a cabo no cemiterio parroquial é porque “As horas mortas” é un libro que conta cousas curiosas e interesantísimas dos nosos camposantos e, un dos que figuran na publicación é, precisamente, ó de Señorín. Esta obra de Emma Pedreira está concivida “como unha guía de lugares, mais tamén como un compendio de historias para ler dende o sofá, ao percorrer unha pequena parte dos máis de 3.600 cemiterios da nosa comunidade autónoma, desde o histórico Santo Amaro ata un dos cemiterios máis pequenos do mundo, da tumba dun Nobel ata a dun actor proposto ao Óscar”.
A autora viaxa, ás veces soa, e outras acompañada por persoeiros vencellados ao cemiterio que visita, para coñecer máis de preto as lendas e as historias reais, ás veces con límites difusos, achegando á nosa literatura unha viaxe única e persoal, resultando unha antoloxía de lugares fúnebres e rituais e crenzas relacionadas coa vida e a morte. Percorridos como a Ruta dos Cemiterios indianos do norte, os cemiterios illegos, os desaparecidos, republicanos, protestantes e de disidentes, son algunhas das propostas de “As horas mortas”.
