Ourense, 13 de maio de 2025.
O Teatro Principal de Ourense acollerá este venres, 16 de maio, ás 20.00 horas, a representación da obra “Manuela Rey is in da house”, de Teatro do Noroeste – Centro Dramático Galego. O deputado de Cultura, César Fernández, participou hoxe na presentación do espectáculo. Estivo acompañado por Francisco Javier Núñez Alonso, director do Centro Dramático Galego e Olga Mojón, directora do teatro.
“Manuela Rey é a historia esquecida do teatro galego e portugués”, sinalan dende a compañía, que buscan coa representación da obra recuperar a memoria desta actriz e escritora.
As entradas están a venda na web do Teatro Principal de Ourense, así como en Ataquilla.com e no propio despacho de billetes do teatro.
