O Bloque Nacionalista Galego (BNG) de Ribadavia reclama información do goberno municipal sobre cál é a situación real do servizo de abastecemento de auga e cáles son as medidas que se van levar a cabo en caso da aparición de problemas de seca. A formación nacionalista lembra que “o pasado martes foi publicado un bando municipal demandando da cidadanía un uso axeitado da auga, necesidade coa que o BNG de Ribadavia concorda”.
Engaden que “hoxe, xoves día 14, vemos que se está a instalar a carón das piscinas municipais da Veronza, un grupo electróxeno para dar abastecemento de emerxencia bombeando auga desde o río Avia ata a potabilizadora municipal (ETAP), que se subministra desde o regato Maquiáns”
Por iste motivo, demandan do Concello de Ribadavia a devandita información e preguntan se “a empresa concesionaria do servizo emitiu algún informe advertindo do problema de seca, qué recomendacións se facían e se existe algunha estimación dos gastos extraordinarios que van ocasionar os problemas no abastecemento municipal de auga e quén os vai pagar”.
“Malia as promesas do PP ribadaviense en campaña electoral, logo de máis de dous anos de goberno non se avanzou nada na mellora da rede de abastecementoo, totalmente obsoleta e con continúas incidencias por rebentóns, nin se comezou xiquera a tramitar unha nova captación no río Miño”, conclúen dende o BNG.
