O luns 1 de setembro ás 11.30 h, na Casa da Cultura do Concello de Sandiás acolleu unha actividade moi especial: Contacontos familiar. “Xela, aventura na Fraga”, organizada polas Bibliotecas Móbiles de Galicia e co que os pequenos e pequenas gozaron unha chea
A proposta levouse a cargo de Inma Soto, educadora ambiental e contadora de historias. Estudou Ciencias Mariñas en Vigo e o Ciclo de Xestión Forestal e do Medio Ambiente natural en Xinzo de Limia. Xela, Aventura na Fraga, unha oportunidade para mergullarse no bosque galego e despertar a sensibilidade e o apego hacia o mundo que nos rodea. Creadora tamén de Xuri, o protagonista dun conto sobre lumes forestais
A propia Inma no lo indica claramente: “hai unhas liñas descritivas que definen o meu labor: educación, lingua e natureza. Para min, as tres están unidas. Creo que o enriquecemento dunha favorece ás outras. Unha natureza ben coidada, rica e protexida necesita palabras que a describan. Necesitamos nosas propias palabras. E Xela foi a escusa para achegar a nosa natureza e a nosa lingua á infancia dunha forma amable e a través dunha figura feminina que eu quería que tivesen como referente. Quería que fose unha nena do rural e que falase en galego, que axudase a coñecer nosa propia cultura, a nosa natureza e o noso patrimonio natural e cultural”.
Así mesmo, os participantes do campamento concilia aproveitaron para renovar as súas lecturas preferidas. Tamén houbo a oportunidade de incorporar á biblioteca o libriño escrito de forma comunitaria pola veciñanza da aldea de Arcos (Arcos, un pobo con historia e experiencia comunitaria). Unha experiencia interxeracional de preservación da memoria rural desde a toponimia, a arquitectura da auga, os animais domésticos, vida social, labores agropecuarios, comercio, idades da vida, festas, cultura, morte e máis aló, etc… Libro dispoñible para os que se queiran achegarse ás singularidades de Arcos dun xeito sintético e sinxelo desde calquera dos concellos polos que pasa a furgoteca e tamén desde as 18 aldeas do Concello de Sandiás.
