Axentes da Garda Civil do Carballino detiveron o pasado mércores, 17 de setembro, a un veciño de Ourense de 37 anos de idade como presunto autor de dous roubos con forza cometidos en dous establecementos comerciais da vila do Arenteiro.
A Garda Civil tivo coñecemento dun roubo a través dunha chamada telefónica da encargada dun dos establecementos, polo que se trasladou ao lugar para montar un dispositivo de procura pola zona, localizando ao detido oculto no interior dun portal próximo ao lugar dos feitos.
Incautáronselle 230 euros e unha chave de parafusos, obxecto que o presunto ladrón utilizou para forzar a porta de entrada ao local. No transcurso da detención, os axentes da Benemérita tiveron coñecemento doutro roubo pola zona, e, tras revisar as cámaras de seguridade alí instaladas, constataron que se trataba da mesma persoa xa detida.
