Ourense, 23 de outubro de 2024. – A Catedral de Ourense será o escenario este próximo domingo, 26 de outubro, ás 20:00 horas, dunha Eucaristía de Acción de Grazas presidida polo Bispo da Diocese, Monseñor Leonardo Lemos Montanet. A celebración convócase con motivo da recente canonización dos dous primeiros santos de Venezuela: San José Gregorio Hernández e Santa María Carmen Rendiles.
Este acto litúrxico ten un significado especial para a comunidade diocesana, xa que ao redor dun centenar de fieis ourensáns, acompañados polo propio Bispo, desprazáronse ata Roma para asistir en persoa á cerimonia de canonización. Esta peregrinación enmarcábase nas actividades con motivo do Xubileu 2025.
A canonización destes dous novos santos xerou un gran entusiasmo e devoción, particularmente entre a comunidade venezolana residente en Ourense. Como xesto de acollida e compartindo a súa alegría, a Diocese convida cordialmente a todos os fieis, e de maneira moi especial aos venezolanos que viven na cidade e a provincia, a unirse a esta celebración de acción de grazas.
Co obxectivo de que esta información chegue ao maior número de persoas interesadas, agradécese encarecidamente a colaboración dos medios de comunicación na difusión dos detalles desta celebración.
Datos da Celebración:
- Que: Misa de Acción de Grazas pola canonización de San José Gregorio Hernández e Santa María Carmen Rendiles.
- Quen: Presidida por Monseñor Leonardo Lemos Montanet, Bispo de Ourense.
- Cando: Domingo, 26 de outubro de 2024. 20:00 horas.
- Onde: Catedral de Ourense.
