O salón de plenos da Casa do Concello do Carballiño acolleu esta mañá a recepción ao grupo de estudantes e profesoras de Eslovaquia que estes días realiza un intercambio co IES Chamoso Lamas. O tenente alcalde, José Castro, e a concelleira de Educación, Lorena Castro, conversaron co alumnado e puxeron en valor este tipo de proxectos educativos internacionais.
O director do IES Chamoso Lamas, Aurelio Rodríguez, tamén presente na recepción, deu conta do proxecto de internacionalización do centro educativo, que leva 15 anos recibindo alumnado estranxeiro de ciclos.
OS MELLORES ESTABLECEMENTOS
O tenente alcalde e a concelleira de Educación agasallaron aos visitantes cun libro sobre Pepa A Loba e desexáronlles unha agradable estancia no Carballiño. O grupo, formado por cinco alumnos e alumnas de Comercio Internacional e dúas profesoras, poderá coñecer a riqueza patrimonial, gastronómica e paisaxística do municipio, así como as empresas locais e as oportunidades laborais da comarca.
