Como consecuencia dos fortes temporais que están a afectar ao municipio do Carballiño, produciuse o desprendemento dunha árbore de gran tamaño sobre a calzada na vía que une as parroquias de Godás e Longoseiros.
O incidente ocorreu nun momento no que, afortunadamente, non transitaba ningún vehículo nin peón pola zona, polo que non hai que lamentar danos persoais.
Efectivos dos servizos de emerxencia e da Policía Local desprazáronse inmediatamente ao lugar para proceder á retirada da árbore e restablecer a circulación coa maior celeridade posible.
OS MELLORES ESTABLECEMENTOS
Recoméndase extremar a precaución nos desprazamentos polas estradas do municipio debido ás adversas condicións meteorolóxicas e á posible presenza de novos desprendementos ou obstáculos na vía.
Desde o Concello do Carballiño faise un chamamento á cidadanía para que, ante calquera incidencia, contacte cos servizos de emerxencia a través do teléfono 112.
