A poboación do Carballiño poderá desfrutar do eclipse solar de mañá, mércores 12 de agosto, de xeito parcial. Segundo as estimacións realizadas por MeteoGalicia, a lúa tapará ao sol entre ás 19,32 e ás 21,23 horas, sendo o momento de maior cobertura ás 20,29 horas.
O veciño do Carballiño Miguel García, Premio Nacional de Meteoroloxía en 2018 e colaborador de AEMET desde 1984, prevé ceos despexados para a xornada do mércores, o que permitirá a visibilidade completa do fenómeno. “Na nosa comarca, a mellor zona para ver o eclipse é en Serra Martiñá ou na Serra do Faro, que xa é de Lugo”, indica.
En canto ás medidas de protección dos ollos ante a radiación directa ao mirar ao sol, García recomenda utilizar pantallas de soldadura ademais de gafas homologadas por autoridades sanitarias. “Non se deben utilizar cristais afumados porque a radiación solar atravesa eses materiais”, indica.
