O vindeiro venres 9 de outubro ás 19:30 h, a Librería TANCO (Cardeal Quevedo, 20) acollerá a presentación do libro «Fun cantando un Alalá», obra de Manuel H. Iglesias.
O acto contará cunha breve sinopse a cargo dun vello amigo do autor Xosé Carballido. A obra preséntase como un texto íntimo e intimista que saca á luz outra das moitas cualidades deste incansable creador de cousas.
Durante a presentación, acompañarán ao autor Xosé Carballido, xunto coas notas musicais de TROVARE.
Desde a organización convídase a toda a cidadanía a asistir a este encontro literario e musical. Achegate, estás convidad@!
Información práctica:
Interveñen: Manuel H. Iglesias (autor), Xosé Carballido e TROVARE (notas musicais).
Data: Venres, 9 de outubro
Hora: 19:30 h
Lugar: Librería TANCO (Rúa Cardeal Quevedo, 20)
