O Carballiño, 15 de outubro de 2026.- A Aula de Teatro do Campus de Vigo participa de novo na Mostra do Teatro Amador “Terras do Orcellón” coa representación de Macbett, de Eugène Ionesco. A función será ás oito da tarde do domingo 18 no Auditorio Manuel María do Carballiño.
Macbett é unha traxicomedia inspirada en Shakespeare que satiriza o poder absoluto e a tiranía a través do absurdo. Nesta versión, Macbett e Banco son xenerais traizoeiros que derrocan un rei tiránico, só para que Macbett se converta nun ditador aínda máis brutal e corrupto, caendo nunha espiral de asasinatos sen sentido.
A obra combina elementos da trama orixinal de Macbeth co estilo de Ubú Rei, de Alfred Jarry, e amosa a ambición insaciable, a traizón e a tiranía. Esta peza é unha alegación contra todas as formas de tiranía e violencia política, con humor macabro e absurdo para amosar o horror do totalitarismo.
No ano 2022, a Aula de Teatro do Campus de Vigo conseguiu o Premio Tiruleque á mellor obra por Soño dunha noite de verán, na XVII Mostra de Teatro Amador. Os futuros espectadores da presente edición manteñen a esperanza de que volvan trunfar o vindeiro domingo.
