A 34ª edición do Festival do Teatro Galego dará o seu pistoletazo de saída mañá mércores, enchendo de cultura o mes de decembro e mudando a súa data de celebración, orixinalmente no mes de setembro. O concelleiro de cultura quere destacar a importancia deste festival para a cultura e para a lingua galega, e tamén do Carballiño coma un referente.
Abrirá mañá mércores unha función infantil, “Antón, un neno diferente”, que será representada por Barafunda ás 11,30 horas, mentres as sesións para adultos serán ás 20,30 horas entre o xoves 14 e o sábado 16.
𝗔 𝗢𝗕𝗥𝗔: Antón pretende, entre outras cousas, a través dunha historia fantástica, destacando valores como o respecto pola diversidade, os efectos do acoso pero sobre todo, a tolerancia, afrontar obstáculos e acadar os obxectivos que nos propoñemos.Teatro multidisciplinar de actores e títeres en diversas técnicas (sombras, bunraku, bocas grandes, obxectos) destaca a tradición oral de Galicia a través dalgunhas personaxes mitolóxicas. Con música feita para a montaxe.É unha montaxe feita en coprodución entre a nacente Compañía de teatro e monicreques Luart e a recoñecida compañía de Animación infantil Barafunda, cunha banda sonora producida por Héctor Rodríguez.
As entradas poderanse mercar en ataquilla.com ou ben a través da web festivaldoteatrogalego.com. Xa na billeteira os prezos serán de 9 euros a función solta e 25 o abono.
