Están convocadas para este xoves, día 26 de marzo, diante das casa dos concellos de Arteixo, Narón, Teo, Monforte, O Carballiño, Vilagarcía e Ponteareas
Compostela, 26 de marzo de 2025.- O Colectivo de persoas xubiladas e pensionistas da CIG convoca para mañá xoves, día 26 de marzo, concentracións diante dos concellos de Arteixo, Narón, Teo, Monforte, O Carballiño, Vilagarcía e Ponteareas para reclamar a xestión pública directa do Servizo de Axuda no Fogar por parte da Xunta de Galiza. Un SAF dotado con orzamentos e persoal suficiente que permita atender a enorme demanda que ten este servizo; que responda ás necesidades de apoio que teñen as persoas dependentes e as súas familias e no que se garantan unhas condicións laborais e salariais dignas ao persoal.
A CIG segue a demandar a creación dun Sistema Público Galego de Servizos de Atención ás Persoas que xestione todos os recursos públicos, incluído o SAF, “para que as persoas dependentes poidan ter cubertas as súas necesidades en condicións dignas e de xustiza social”.
Concellos e horarios:
- Arteixo: ás 11h, diante do concello
- Narón: ás 12h, diante do concello
- Teo: ás 11h, diante do concello
- Monforte: ás 12h, diante do concello
- O Carballiño: ás 12h, diante do concello
- Vilagarcía: ás 11.30h, diante do concello
- Ponteareas: ás 11h, diante do concello
