Ourense, 23 de abril de 2025.
A Deputación de Ourense conmemora o Día do Libro promocionando a provincia a través do AVE. Deste modo, todos os viaxeiros que colleron o tren de Alta Velocidade na estación madrileña de Chamartín cara a Estación Empalme recibiron un exemplar do libro “Ourense, muy cerca”, do escritor e xornalista Moncho Conde-Corbal.
O libro recolle a mirada de nove xornalistas, escritores, ilustradores e profesionais da comunicación, ademais das fotografías de Mani Moretón nas cubertas, que expresan os recordos e as emocións que lles xeran distintos rincóns da provincia de Ourense.
