A Madalena foi onte o epicentro dun novo ‘Malgosto’, unha celebración xa consolidada en Ribadavia e que reuníu a centos de persoas dispostas a festexar dun xeito diferente a entrada no outono. Todo elo da man da Asociación Cultural Arteficial, cunha proposta singular que reinterpreta a tradición do magosto cunha mirada humorística, creativa e comunitaria, que combina xantar popular, memoria oral, contos da tradición popular, música tradicional, gastronomía e electrónica nocturna. O evento conta co apoio do Concello de Ribadavia, O Museo Etnolóxico de Ribadavia e a Consellería de Cultura, Xuventude e Política Lingüística da Xunta de Galicia, ademáis da colaboración de Bodegas Gallegas, Matilda Nieves, Gran Alanís, Aguas de Sousas e Povarelo.
Unha xornada de sábado que comezou ás 12,00 e se extendeu ata a noite, coa participación do contacontos Celso Fernández Sanmartín, coas súas historias “Lume, contos e castañas”; a rapeira rural ST e o músico electrónico Matafame; o grupo feminino Fuscalla de pandeireta e canto do IES O Ribeiro; a agrupación de música tradicional Malas Herbas; as Pandereteiras da Istoria, e os emerxentes DJ Macius e DJ Conde.
O programa desta cuarta edición do ‘Malgosto’ xa se abría o pasado venres no Museo Etnolóxico de Ribadavia con “Escoitar e conversar: Memoria oral da Madalena”, unha actividade de recuperación da memoria colectiva a través do diálogo coa veciñanza deste barrio do casco histórico da vila.
