Concentración polo secuestro ilegal en augas internacionais de membros da Global Sumud Flotilla por parte do exército de Israel
Entre os retidos atópase Alberte Pagán, veciño do Carballiño
Carballiño / Santiago de Compostela, 19 de maio de 2026 – Diversas organizacións sociais e de defensa dos dereitos humanos convocan unha concentración para esixir a liberación inmediata dos membros da Global Sumud Flotilla que foron retidos ilegalmente en augas internacionais polo exército de Israel.
Segundo as primeiras informacións, o secuestro produciuse cando a flotilla realizaba unha misión pacífica de rompemento do bloqueo e de achega de axuda humanitaria. Entre as persoas secuestradas atópase Alberte Pagán, veciño do Carballiño, feito que ten xerado unha fonda indignación no municipio e no conxunto do país.
Os convocantes reclaman:
- A liberación inmediata e sen condicións de todas as persoas retidas.
- O respecto ao dereito internacional e á liberdade de navegación en augas internacionais.
- O fin do bloqueo e da violencia exercida contra misións humanitarias.
A concentración terá lugar o Hoxe martes ás 20:00 h na Praza Maior do Carballiño, e está prevista a participación de representantes institucionais, colectivos solidarios e cidadanía en xeral.
OS MELLORES ESTABLECEMENTOS
